RISASI ZATUMIKA JELA YA GUANTANAMO

Walinzi wa jela ya Marekani huko Guantanamo wametumia risasi za mpira kutuliza machafuko ya wafungwa.Kwa mujibu wa uongozi wa jela hiyo,waliojeruhiwa "sio wengi hivyo."Wafungwa hao waliwekwa baadae kila mmoja katika chumba kimoja.Kwa mujibu wa duru za uongozi huo wa jela,wafungwa walivunja kamera,madirisha na kuta za viyoo na kuwashambulia walinzi walipotaka kuwavua barkoa zao.Wafungwa dazeni kadhaa wanagoma kula chakula tangu mwezi Februari mwaka huu katika jela ya Guantanamo.Wanawalaumu walinzi kutoiheshimu Qoran.Watuhumiwa kadhaa wa kigaidi wanashikiliwa bila ya kufikishwa mahakamani katika kituo hicho cha kijeshi cha Marekani tangu mwaka 2002.Wanatuhumiwa kuunga mkono mtandao wa kigaidi wa Al Qaida.Rais Barack Obama alitaka kuifunga jela hiyo.Lakini pendekezo lake linapingwa na baraza la Congress ambalo halitaki wafungwa wa Guantanamo wahamishiwe Marekani.