ACHEBE AZIKWA

Mamia ya watu,miongoni mwao Rais wa Nigeria   Googluck Jonathan  waliyahudhuria maziko ya mwandishi riwaya maarufu Chinua Achebe  yaliyofanyika katika mji wa Ogidi kaskazini mwa Nigeria.

Viongozi wa serikali na wabunge walimsifu Achebe aliewapinga wanasiasa wala rushwa, na mara mbili mwandishi huyo alikataa kupokea tuzo za heshima  za kitaifa. Hayati Achebe aliinukia kupata umaarufu kutokana na riwaya yake inayoitwa "mambo yanasambaratika" iliyochapishwa mnamo mwaka 1958. Riwaya hiyo ni fumbo juu ya jinsi jamii ya jadi barani Afrika ilivyokuwa inasambaratika kutokana na ujio wa wakoloni.Nakala milioni nane za kitabu hicho ziliuzwa duniani kote. Riwaya ya "mambo yanasambaratika" ilifasiriwa katika lugha 50. Watu wa Nigeria wamemwita Chinua Achebe kuwa ni tai aliepo juu ya mti wa Iroko.