BOTI YAZAMA NA KUWAUA WAISLAM TOKA MYANMAR

Umoja wa Mataifa umesema boti iliyokuwa imewabeba Waislamu wa kabila la Rohingya imezama karibu na pwani ya Myanmar, wakati kundi hilo likijaribu kukimbia kimbunga. Boti hiyo ambayo inasemekana ilikuwa inavuta boti nyingine mbili zilizotengenezwa kwa mbao, ilikuwa moja ya vyombo saba vilivyokuwa vinawasafirisha Warohingya kuelekea eneo la juu kabla ya kuwasili kwa kimbunga cha Mahasen. Kimbunga hicho kinatarajiwa kushambulia maeneo ya karibu na mpaka wa Myanmar na Bangladesh usiku wa Alhamis. Watu wasiopungua hamsini bado hawajulikani walipo.