URUSI YAMKAMATA MWANADIPLOMASIA WA MAREKANI KWA UJASUSI

Idara  ya  ujasusi  nchini  Urusi  imesema  kuwa  imemkamata mwanadiplomasia  wa  Marekani  ambae  inadaiwa  kuwa  ni mfanyakazi  wa  shirika  la  ujasusi  la  CIA  akifanya  juhudi  za kuwaajiri  raia  wa  nchi  hiyo  kusaidia  katika  ujasusi. Ryan Fogle , afisa  wa  tatu  katika  ubalozi  wa  Marekani  mjini  Moscow, alikuwa amebeba  vifaa  maalum vya  kiufundi, maelezo  maalum yaliyoandikwa  pamoja  na  kiasi  kikubwa  cha  fedha wakati alipokamatwa  usiku  wa  jana. Idara  ya  ujasusi  ya  Urusi  FSB imesema  kuwa  Fogle  amekabidhiwa  kwa  maafisa  wa  ubalozi  wa Marekani.

Licha  ya  kumalizika  kwa  vita  baridi, Urusi  na  Marekani  bado zinaendelea  na operesheni  za  kijasusi ,kila upande.

Kukamatwa  kwa  Fogle ,  hata  hivyo  kunaonekana  kuwa  ni mwanadiplomasia  wa  kwanza  wa  Marekani  kutuhumiwa  kwa kosa  la  ujasusi  katika  kipindi  cha  karibu  muongo mmoja  na inaonekana  kuwa  hatua  hiyo  itaongeza  hali  ya  uhusiano  ambao tayari uko  katika  hali  mbaya  kati  ya  nchi  hizo  mbili.