ASKARI 8 WA NATO WAUWAWA AFGHANISTAN

Duru za habari kutoka Afghanistan zinaarifu kuwa, wanajeshi wanane wa Shirika la Kijeshi la Nchi za Magharibi NATO wameuawa katika mripuko uliotokea karibu na uwanja wa ndege wa Kandahar nchini Afghanistan. Jana wapiganaji wa kundi la Taliban walitangaza kuwa, bomu walilokuwa wamelitega karibu na uwanja huo, liliwaua wanajeshi wanane wa kigeni. Aidha Taliban wamesisitiza kuwa, bomu hilo liliripuka kando ya barabara wakati msafara wa vikosi vya NATO ulipokuwa ukipita katika barabara hiyo. Wengi wa waliouawa katika mripuko huo ni askari wa Marekani na Uingereza.