MAKUMI YA WAASI WAJISALIMISHA SYRIA

Makumi ya waasi nchini Syria, wamejisalimisha kwa jeshi la nchi hiyo, huko katika eneo la al-Qusair lililopo karibu na mpaka wa Lebanon. Jana televisheni ya taifa ya Syria iliwaonyesha waasi hao wakijisalimisha mbele ya askari wa nchi hiyo baada ya kuelemewa katika mapigano. Kabla ya hapo pia waasi wengine pia walikuwa wamejisalimisha kwa majeshi ya Syria. Ni vyema kuashiria kuwa, hatua hiyo inakuja baada ya waasi hao kushindwa katika mapambano na jeshi la Syria katika eneo hilo. Idadi kubwa ya waasi kutoka nchi za kigeni wameuawa katika eneo hilo akiwamo kiongozi mmoja wa kundi la kigaidi. Wakati huo huo, Waziri Mkuu wa Syria Wail al-Halaqi amesisitizia juu ya ulazima wa kuendelezwa mapambano ya taifa na wananchi wa nchi hiyo dhidi ya njama za vibaraka. Waail aliyasema hayo hapo jana, wakati akilishukuru taifa kwa kudumisha mapambano yake dhidi ya njama za maadui na kusisitiza kuwa ushindi unakaribia.