OBAMA NA CAMERON KUIJADILI SYRIA

Rais Barack Obama  wa  Marekani  atakutana  na  waziri  mkuu  wa Uingereza  katika  Ikulu  ya  Marekani  siku  ya  Jumatatu  kujadili suala  la  Syria   na  mkutano  ujao  wa   kundi  la  mataifa  majiri yenye  viwanda  ya  G8  mwezi  ujao , mkutano  utakaofanyika nchini  Ireland  ya  kaskazini.

Taarifa  ya  Ikulu  ya  Marekani,  ya  White House,  imesema  kuwa ziara  ya  waziri  mkuu  wa  Uingereza  inaonyesha  uhusiano maalum kati  ya   Marekani  na  Uingereza , uhusiano  ambao  umekuwa muhimu  katika  kuendeleza  usalama  wa  mataifa  hayo  pamoja  na ufanisi.

Taarifa  hiyo  imeongeza  kuwa  pamoja  na   suala  la  Syria  na  G8, mazungumzo  hayo  pia  yatajumuisha   masuala  ya  biashara   na ushirikiano  wa  kiuchumi  na  mapambano  dhidi  ya  ugaidi.