CAMRON KUKUTANA NA PUTIN

Waziri Mkuu wa Uingereza David Cameron leo  anakutana na Rais Vladimir Putin wa Urusi kwa ajili ya mazungumzo muhimu juu ya mgogoro wa  Syria yanayotarajiwa kuweka mwongozo wa  mkutano wa nchi tajiri za G8 unaoanza kesho  katika Ireland ya Kaskazini.

Waziri Mkuu Cameron atajaribu kupata mwafaka juu ya njia ya kuushughulikia mgogoro huo kwenye mkutano wa viongozi wa nchi hizo za viwanda.

Marekani imeazimia kuwapelekea silaha waasi  wanaowania kuuangusha utawala wa Rais Assad  baada ya kusema kuwa inao ushahidi kwamba majeshi ya Assad yalitumia silaha za sumu dhidi  ya waasi kwa kiwango kidogo.

Lakini Urusi ambayo imekuwa inaupa silaha utawala wa Assad ,na kuipuuza, kwa miezi kadhaa miito ya nchi za magharibi juu ya kumshinikiza  Assad, imeyakanusha madai ya Marekani.