MIVUTANO YAENDELEA KWA UGOMBEA URAIS MADAGASCAR

Wagombea 21 wa nafasi ya urais nchini Madagascar wamewataka wagombea watatu wa kinyang'anyiro hicho wajiengue kwenye mbio za urais nchini humo. Wagombea hao 21 kati ya 41 wametangaza kuwa, hawatashiriki kwenye vikao vya uchaguzi wa rais hadi pale watakapojiondoa wagombea watatu ambao ni Lalao Ravalomanana, mke wa Marc Ravalomanana Rais wa zamani wa nchi hiyo, Andry Rajoelina Rais wa serikali ya mpito, na Didier Ratsiraka rais wa zamani wa nchi hiyo. Jean Lahiniriko mmoja kati ya wagombea wa nafasi ya rais katika uchaguzi ujao nchini humo amesema kuwa, kushiriki kwenye vikao hivyo ina maana ya kuunga mkono ushiriki wa wagombea hao. Wagombea hao watatu walipuuza takwa lililotolewa na wakuu wa nchi wanachama wa Jumuiya ya Ustawi ya Kusini mwa Afrika SADC ya kuwataka wajiengue kwenye kinyang'anyiro hicho cha urais. Kutokana na kuibuka mivutano  hiyo, uchaguzi wa rais nchini humo uliopangwa kufanyika Julai 24, sasa utafanyika Agosti 23 mwaka huu.