AJALI YA TRENI NCHINI UFARANSA

Treni ya abiria iliacha reli na kuanguka kwenye  stesheni nje ya mji wa Paris. Ajali hiyo imetokea katika mkesha wa siku kuu muhimu nchini Ufaransa. Mabehewa mawili yaliacha reli na kuyagonga magari.Kwa mujibu wa taarifa iliyotolewa na Waziri wa mambo ya ndani wa Ufaransa, watu wasiopungua  saba wamekufa na wengine kadhaa walijeruhiwa ,lakini amesema idadi ya watu wanaokufa kutokana  na ajali  hiyo  inaendelea kubadilika.

Treni hiyo ilikuwa na abiria karibu mia nne, ilipoacha reli, umbali wa kilometa  20 kusini mwa mji wa  Paris,alfajiri ya jana. Uchunguzi unafanywa ili kubainisha kilichoisababisha ajali hiyo.