MULLAR NAZIR AUWAWA PAKISTAN

Mashambulizi ya ndege ya Marekani isiyokuwa na rubani yamemuuwa mbabe wa kivita wa Pakistan, Mullah Nazir, ambaye aliwatuma wapiganaji wake kupambana na vikosi vya Jumuiya ya Kujihami ya NATO nchini Afghanistan. Mashambulzii hayo yaliyofanywa Kaskazini Magharibi ya Pakistan pia yamewauwa wanamgambo wengine 14. Nazir, ndiye aliyekuwa kamanda wa wanamgambo Kusini mwa Waziristan, ambayo ni sehemu iliyo na ngome za wanamgambo wa Taliban na Afghanistan, na ni kiongozi wa ngazi ya juu kuuwawa katika shambulizi la ndege zisizoruka na rubani, baada ya muda mrefu.

Maafisa wa Pakistan wamesema Nazir ameuawa wakati ndege ya kivita ya Marekani isiyoruka na rubani ilipofyatua makombora mawili dhidi ya gari lake katika eneo la Sar Kanda, mji wa Birmil, Kusini mwa Waziristan, na watano kati ya wapambe wake wakiwemo manaibu wawili wakuu pia wameuawa.