UN YALAANI MAJARIBIO YA NORTH KOREA

Baraza la Usalama la Umoja wa Mataifa hapo jana lilitoa tamko kali la kulaani hatua ya Korea Kaskazini ya kufanyia majaribio silaha za nyuklia na kusisitiza kuwa hatua kali zitachukuliwa dhidi ya Pyongyang. Balozi wa Kudumu wa Marekani katika Umoja wa Mataifa, Susan Rice amesema nchi yake inalichukulia suala hilo kwa uzito mkubwa. Hata hivyo nchi 15 wanachama wa baraza hilo hazikuafikiana juu ya hatua zipi zichukuliwe dhidi ya Korea Kaskazini. China ambayo ni mshirika wa karibu wa kibiashara wa Pyongyang imepinga wazo la kutumiwa nguvu za kijeshi na imetaka vikwazo zaidi viwekwe kama njia ya kuibana zaidi Korea Kaskazini. Kwa upande wake, Pyongyang imetishia kwamba itafanya majaribio mengine mawili ya silaha zake za nyuklia; jambo linalotarajiwa kuzusha wasiwasi mkubwa katika nchi jirani ya Korea Kusini.