OBAMA AKIRI KUPUNGUA KWA NGUVU ZA NCHI YAKE

Rais Barack Obama wa Marekani amekiri kwamba nguvu za kijeshi na kiuchumi za nchi yake zinaendelea kupungua siku baada ya siku na kwa msingi huo ameahidi kuondoa wanajeshi 34 000 nchini Afghanistan mwanzoni mwa mwaka ujao. Pia amesema vita vinavyoongozwa na nchi yake huko Afghanistan vitafikia kikomo mwishoni mwa mwaka ujao. Akizungumza kwenye hotuba muhimu kwa taifa usiku wa kuamkia jana, Obama amesema matatizo ya kiuchumi yanayoikabili Marekani kwa sasa ndio sababu kubwa ya kupungua nguvu na satua ya nchi hiyo duniani. Amesema kipindi chake cha pili cha uongozi kitatoa kipaumbele kwa masuala ya kiuchumi na jinsi ya kupunguza kiwango cha ukosefu wa ajira. Hotuba hiyo hutolewa mara moja kila mwaka mbele ya wajumbe wa Kongres na Rais Obama hakusita kuendeleza matamshi ya kijuba ya Marekani kuhusu Jamhuri ya Kiislamu ya Iran, Syria na nchi zingine zinazopigania haki duniani. Kuhusu Syria kiongozi huyo amesema kuwa, Washington itaendeleza mashinikizo dhidi ya Rais Bashar Asad sambamba na kuendelea kuwaunga mkono wapinzani wanaotaka kuipindua serikali halali ya nchi hiyo.