WHO YATHIBITISHA VIRUSI VYA CORONA VINAUA

Shirika la Afya Duniani WHO limethibitisha kuzuka kwa ugonjwa wa virusi vya Corona unaofanana na ugonjwa wa matatizo makubwa ya kupumuwa wa SARS nchini Ufaransa na Saudi Arabia.Katika taarifa iliyotolewa kwa vyombo vya habari hapo jana (WHO) imeelezea wasi wasi wake juu ya kugundulika hivi karibuni kwa maambukizi ya virusi vya Corona katika mabara mawili tafauti.Kirusi hicho kinatajwa kuwa binaamu wa kirusi cha SARS ambapo ugonjwa wake ulizuka muongo mmoja uliopita mashariki ya Asia na kuambukiza binaadamu kutoka kwa wanyama ambapo watu 800 walipoteza maisha yao.Taarifa za karibuni za ugonjwa huo zimetokea katika kituo cha afya cha Saudi Arabia ambapo wagonjwa saba wamefariki hapo jana baada ya kuambukizwa kirusi hicho.

Maafisa wa afya wa Ufaransa wamelijulisha Shirika la Afya Duniani juu ya kuzuka kwa mgonjwa mwengine hapo jana ambapo wanaamini kwamba ameupata kwa kuwa na mawasiliano ya karibu na mgonjwa mwengine ambaye aliambukizwa kirusi hicho kufuatia safari yake ya Dubai.