EU NA MAREKANI KUJADILILANA KUHUSU BIASHARA

Marekani  na  Umoja  wa  Ulaya  zimeanzisha  majadiliano kwa  ajili  ya  eneo  huru  la  bishara  wakati  wa  kuanza kwa  mkutano  wa  mataifa  tajiri  duniani  ya  G8  nchini Ireland  ya  kaskazini. Akizungumza  katika  mkutano  mjini Enniskillen , rais  wa  Marekani  Barack Obama  amesema kuwa  duru  ya  kwanza  ya  mazungumzo  hayo  itafanyika mjini  Washington  Julai. Biashara  kati  ya  Marekani  na Umoja  wa  Ulaya  kwa  hivi  sasa  inathamani  ya  karibu euro  bilioni  mbili  na  robo  kwa  siku, lakini  wadadisi wanasema  ushirikiano  wa  kimya  kimya  wa  kibiashara na  uwekezaji kati  ya  mataifa   hayo  yanayopakana  na bahari  ya  Atlantic yanaweza  kuongeza  biashara  hiyo kwa  kiasi  cha  euro  bilioni  100  kwa  mwaka  kwa  kila upande. Wazo  hilo  la  makubaliano  kati  ya  Marekani  na Umoja  wa  Ulaya  lilianza  kufikiriwa  miongo  kadha iliyopita  lakini  ilizuiliwa  na  Ufaransa  katika  miaka  ya 1990. Wazo  hilo limepata  msukumo  mpya  sasa  wakati pamde  hizo  mbili zikitafuta  ukuaji  wa  binafsi, pamoja  na kujilinda  dhidi  ya  China. Marekani  na  halmashauri  ya umoja  wa  Ulaya , chombo  kitendaji  cha  umoja  wa mataifa  27  ya  Ulaya , zinatarajia  kukamilisha makubaliano  hayo  ifikapo  mwishoni  mwa  mwaka  2014.