WAGOMBEA URAIA MALI WATAKIWA KUKUTANA KABLA YA UCHAGUZI

Chama  kikuu  cha  kisiasa nchini  Mali  kimetoa  wito  leo wa  kufanyika  mkutano  haraka  wa  wagombea  urais waliojitiokeza  baada  ya  mkuu  wa  tume  ya  uchaguzi kueleza  wasiwasi  wake  kuwa  uchaguzi  uliopangwa kufanyika  mwezi  huu hautakuwa  huru  na  wa  haki. Rais wa  mpito  wa  muungano  wa  kidemokrasia  nchini  Mali Iba  Ndiaye  amesema  kuwa  kutokana  na  changamoto zinazofahamika   ambazo  zinakutikana  katika  mchakato wa  kuelekea  uchaguzi, serikali  inapaswa  kuitisha  kikao cha  wagombea  urais  pamoja  na  vyama  vya  kisiasa kuangalia  sheria  na  kuepuka  mivutano  ya  baada  ya uchaguzi  vyama  na  wagombea  kupinga matokeo.

Mamadou Diamoutani, afisa  wa  ngazi  ya  juu  wa  tume ya  uchaguzi  ya  taifa  hilo  la  Afrika  magharibi , amesema kuwa  mapungufu  kadha  katika mchakato  huo  wa uchaguzi  unaweza  kusababisha  matokeo  ya  uchaguzi wa  hapo  Julai 28  kupingwa.

Mali  inajitayarisha   na  uchaguzi  baada  ya  kushuhudia mapinduzi  mwaka  jana   pamoja  na  mapigano  ya  waasi wa  Kiislamu. Umoja  wa  Mataifa  umezindua  kikosi  cha kulinda  amani  siku  ya  Jumatatu   ili  kuiruhusu  Ufaransa kuondoa  majeshi  yake  ambayo  yalikuwa  yakiisaidia serikali  ya  mpito  kulinda  amani.