EU INASHIRIKIANA NA ISRAEL KUWAONEA WAPALESTINA

Askofu Desmond Tutu mshindi wa Tuzo ya Amani ya Nobel amesema kuwa, Umoja wa Ulaya unashirikiana na utawala wa Kizayuni wa Israel katika kutenda jinai dhidi ya wananchi wa Palestina. Askofu Tutu ameongeza kuwa, umoja huo unazidi kuongeza mashirikiano yake na utawala wa Israel, katika hali ambayo wananchi wengi wa Ulaya kwa hivi sasa wanaitazama Israel kwa mtazamo hasi. Askofu Tutu amesema Israel ni utawala unaotenda vitendo vya kibaguzi dhidi ya Wapalestina. Kiongozi huyo wa kidini wa Afrika Kusini ambaye alikuwa na nafasi muhimu katika harakati za mapambano dhidi ya utawala wa ubaguzi wa rangi nchini Afrika Kusini, amesisitiza kwamba ubaguzi wa Israel ni mbaya zaidi kuliko wa utawala huo wa zamani wa makaburu