MAHMOUD ABBAS: ISRAEL ISITISHE UJENZI WAKE

Rais wa Mamlaka ya Ndani ya Palestina Mahmoud Abbas ameitaka Israel aichae mpango wake wa kujenga vitongoji vipya vya walowezi wa Kiyahudi katika eneo la karibu na mji wa Quds unaoukalia kwa mabavu.

Abbas amesema hayo akiwa nchini Uturuki na kuongeza kuwa, mpango huo wa Israel wa kujenga vitongoji vipya vya walowezi karibu na mji wa Quds ni hatari na kwamba Wapalestina hawataruhusu Tel Aviv kutekeleza mpango huo.

Wakati hayo yakiripotiwa, serikali ya Iraq imeafiki kuazishwa mfuko wa kitaifa wa fedha kwa ajili ya kuwasaidia wafungwa wa Kipalestina na Waarabu wanaoshikiliwa katika jela za Israel. Ali al Musawi mshauri wa masuala ya habari wa Waziri Mkuu wa Iraq Nour al Maliki amesema kwamba Baghdad imeafiki kuanzishwa mfuko huo na itachangia dola milioni mbili.