JESHI LA NIGERIA LAWASHAMBULIA BOKO HARAM

Jeshi la Nigeria limewashambulia wapiganaji wa Boko Haram na kuwaua wanne kati yao kaskazini mashariki mwa nchi hiyo. Luteni Kanali Sagir Musa msemaji wa jeshi la Nigeria amesema kwamba, jeshi lao limefanya mashambulio katika maficho ya Boko Haram mjini Maiduguri na kuwaua wapiganaji wanne wa kundi hilo. Luteni Kanali Sagir Musa ameongeza kuwa, katika shambulio hilo, jeshi la Nigeria limefanikiwa kukamata idadi kubwa ya silaha.

Kundi la Boko Haram linahutumiwa kuhusika na mauaji mengi yaliyofanyika nchini Nigeria, na wanachama wake wamekuwa wakisakwa kwa udi na uvumba na jeshi la nchi hiyo. Hadi sasa mamia ya watu wameshapoteza maisha yao na majengo kadhaa ya serikali na makanisa kuchomwa moto kutokana na mashambulio yanayofanywa na kundi la Boko Haram kaskazini mwa Nigeria.