MAREKANI YAIWEKEA IRAN VIKWAZO VINGINE VYA MAFUTA

Marekani imeiwekea Iran vikwazo vipya kwenye sekta ya mafuta, ikiwa ni katika jitihada mpya za Washington za kutaka kuilazimisha Jamhuri ya Kiislamu isimamishe shughuli zake za kuzalisha nishati ya nyuklia.

Vikwazo hivyo vilivyoanza kufanya kazi jana vinaizuia Iran kupata fedha zake za malipo ya mafuta yanayouzwa nje ya nchi. Kwa mujibu wa vikwazo hivyo kuanzia sasa fedha zote Jamhuri ya Kiislamu ya Iran itakazopata nje ya nchi kutoka katika nchi 8 zilizoruhusiwa kununua mafuta ya Iran ikiwemo China, India na Uturuki zitabakia kwenye akaunti ya Iran nje ya nchi na zinaweza tu kutumiwa na Iran kununua bidhaa kutoka nchi hizo.

Iran imelaani vikali vikwazo hivyo na kusema kuwa ni hatua nyingine ya inayoonesha uadui wa Marekani dhidi ya taifa la Iran. Vikwazo hivyo vipya vimepitishwa siku chache tangu Marekani itangaze kwamba iko tayari kufanya mazungumzo ya moja kwa moja na Iran.