BOTI YAZAMA NIGERIA NA KUUA 45

Watu wasiopungua 45 wamefariki dunia wakati boti moja ya mbao iliyokuwa imebeba abiria 166 kutoka kusini mashariki mwa Nigeria kuzama katika eneo la pwani nchini humo. Boti hiyo iliyozama ilianza safari yake Ijumaa katika mji wa Oron huko katika jimbo la Cross Rivers na ilikuwa ikielekea Gabon katikati mwa Afrika kupitia ghuba ya Guinea. Hadi kufikia sasa madaktari katika mji wa Calabar wamepokea miili ya watu 45 waliofariki dunia kwa kuzama. David Akate mkuu wa huduma za dharura wa jimbo la Cross Rivers amesema kuwa hadi sasa bado hawajapata idadi kamili ya watu waliozama.  Mwanaume mmoja na mwanamke walinusurika kuzama baada ya kung'ang'ania mtungi wa gesi na baadae kuokolewa na wavuvi.