IRAN YAZUIA BAADHI YA WAGOMBEA WA URAIS

Maafisa  wa  Iran  wamezuwia  wagombea  wawili  maarufu  kushiriki katika  uchaguzi  mkuu  ujao  wa  urais,  na  kuhakikisha  kuwa wanaogombea  ni  miongoni  mwa  wale  watiifu  kwa  kiongozi  wa kidini  nchini  humo.  Baraza  la  uangalizi lilimuondoa  katika  orodha ya  wagombea  rais  wa  zamani Akbar Hashemi Rafsanjani  na Esfandiar Rahim Mashaei,  msaidizi  mkuu  wa  rais  wa  sasa Mahmoud Ahmedinejad. Rafsanjani  amesema  hatapinga  uamuzi huo katika  azma  yake  ya  kugombea  tena  urais.

Esfandiar  Rahim Mashaie , msaidizi  wa  karibu  wa  rais anayeondoka  madarakani  Ahmedinejad, pia  ameondolewa  katika orodha  ya  wagombea  katika  uchaguzi  huo. Watu  hao  wawili wamekuwa  mara  kwa  mara  wakipingana   na  kiongozi  mkuu  wa kidini Ayatollah Ali Khamenei.  Wengi  wa  wagombea  wanane katika  uchaguzi  huo  uliopangwa  kufanyika  duru  ya  kwanza  Juni 14  ni  watiifu  kwa   Khamenei.