ISRAEL YAONYA KUIADHIBU SYRIA ISIPOSITISHA MASHAMBULIZI MPAKANI

Mkuu  wa  majeshi  ya  Israel  ameionya  serikali   ya  rais Bashar al-Assad kwamba itachukuliwa hatua  iwapo  mashambulio  ya  risasi yataendelea   kutoka  katika  eneo  la  Syria  dhidi  ya  majeshi  ya Israel  katika  eneo  linalokaliwa  na  nchi  hiyo  la  milima  ya  Golan. Luteni  jenerali  Benny Gantz  amesema  katika  televisheni  ya Israel  kuwa  hataruhusu  milima  ya  Golan  kuwa  eneo rahisi  kwa al-Assad. Amezungumza  saa  chache  baada  ya  majeshi  ya  Israel kufyetuliana   risasi  katika  eneo  lililotengwa  kusitisha  mapigano la  milima  ya  Golan, lakini  taifa  hilo  la  Kiyahudi  limekana  madai ya  Syria  kuwa  gari  lake  moja  la  kijeshi  limeharibiwa. Syria inadai  kuharibu  gari  hiyo  ya  kijeshi  ya  Israel  ambayo  inasema ilivuka  eneo  la  kusitisha  mapigano wakati  wa  tukio  hilo. Siku  ya Jumatatu  jeshi  liliripoti  kuwa  mashambulio  ya  silaha  ndogo ndogo  kutoka  upande  wa  Syria  yalifika  katika  eneo linalodhibitiwa  na  Israel  la  milima  ya  Golan, lakini  hakuna  athari yoyote  iliyotokea.