KERRY AENDA TENA JERUSALEM

Marekani  na  Israel  zimeongeza  matumaini  ya  kuanza  tena  kwa  hatua  za kuleta  amani  katika  mashariki  ya kati , licha  ya kutokuwepo dalili  muhimu hadi  sasa  katika  juhudi  za  miezi  miwili  za  waziri  wa  mambo  ya  kigeni wa  Marekani John Kerry  kuzileta  pande  mbili  za  Waisrael  na Wapalestina  katika  meza  ya  mazungumzo.

Akifanya  ziara  yake  ya  nne  nchini  Israel  tangu  kuchukua  wadhifa  huo Februari mwaka  huu, Kerry  alimsifu  waziri  mkuu  Benjamin  Netanyahu  kwa jinsi  anavyotafuta  kwa  dhati  njia  za  kurejesha  matumaini  ya  amani. Kerry  ameonyesha  matumaini  bila  ya  kuainisha  mikakati  maalum  ya kumaliza  mkwamo  kati  ya  pande  hizo  mbili  ambazo  hazijafanya majadiliano  ya  ana  kwa  ana  katika  muda  wa  miaka  minne  na  nusu iliyopita. Kerry  anatarajiwa  kukutana  na  rais  wa  mamlaka  ya  Palestina  mjini Ramallah leo.