WAPINZANI WA SYRIA WAKUTANA ISTANBUL

Kundi  kuu  la  upinzani  nchini  Syria  la  muungano  wa  kitaifa limeanza  mkutano  wao  mjini  Istanbul  leo. Wapinzani  wanajadili pendekezo  la  Urusi  na  Marekani  kuwaleta  pamoja  waasi  na maafisa  wa  serikali  ya  rais Bashar al-Assad  katika  meza  ya majadiliano. Katika  mkutano  wao  wa  siku  tatu , muungano  huo pia  unatarajiwa  kumchagua  rais  mpya, watajadili  kuhusu  upanuzi na  kujumuisha  wajumbe  wapya  katika  baraza  la  taifa   na kuamua  hatma  ya  serikali  ya  mpito  ya  waasi. Mkutano  huo unakuja  wakati  waasi  wanakabiliwa  na  mashambulio  makubwa ya  majeshi  ya  rais Bashar al-Assad  na  kundi  la  wanamgambo wa  Hezboullah  katika  mji  wa  Qusayr  ambao  ni  ngome  ya  waasi katikati  ya  Syria. Mjumbe  wa  muungano  huo Salem al-Moslet amesema  kandoni  mwa  mkutano  huo  kuwa  sharti  muhimu ni kuwa  rais  Assad  ajiuzulu, chini  ya  juhudi  hizo  za amani  za  Urusi na  Marekani  zinazojulikana   kama  Geneva mbili.

Wakati  huo  huo maafisa  wa  usalama  nchini  Lebanon wamesema  watu  watano  wameuwawa  katika  mapigano  usiku  wa jana  kati  ya  wapinzani  na  waungaji  mkono  wa  utawala  wa Syria  nchini  Lebanon  katika  mji  wa  Tripoli.