MWANAJESHI APIGWA VISU LONDON

Washambuliaji  wawili  wakiwa  na  visu  na  panga  wamemuua  mtu anayeaminika  kuwa  ni  mwanajeshi  katika  mtaa  mmoja  kusini mashariki  ya  London. Polisi  inaliangalia  tukio  hilo  la  mauaji kuwa  ni  shambulio  la  kigaidi. Waziri  mkuu  wa  Uingereza David Cameron  amefupisha  ziara  yake  nchini  Ufaransa  na  kurejea haraka  mjini  London  kwa  ajili  ya  mkutano wa dharura  wa usalama wa taifa.

Watu  hao  wawili  walimkata mtu  huyo  kwa  visu  na  panga  mbele ya  watu  waliokuwa  wakipita mtaani  na  walibaki  katika  eneo  hilo wakipaaza  sauti  zao huku  wakipunga  silaha  zao  zilizotapakaa damu. Baadhi  ya  vyombo  vya  habari  vimesema  kuwa  watu  hao walipaza  sauti  wakisema  maneno  kwa  lugha  ya  Kiarabu. Polisi wamesema  maafisa  waliofika  katika  tukio  hilo waliwapiga risasi na  kuwajeruhi  watuhumiwa  hao. Wote  wamepelekwa  hospitalini, mmoja  akiwa  katika  hali  mbaya.