MAJESHI YA YEMEN YAPAMBANA NA AL-QAEDA

Majeshi  ya  Yemen yameanza  leo operesheni  kubwa dhidi  ya  makundi yenye  mafungamano  na  al-Qaeda ambayo  hivi  karibuni  yameteka  vijiji  kusini  mashariki  ya jimbo  la  Hadramawt. Afisa  wa  jeshi  amesema  kuwa vikosi  vya  jeshi  la  serikali  vikisaidiwa  na  vifaru  na helikopta  vimeanzisha  operesheni  alfajiri  ya  leo  katika eneo  la  Ghayl Bawazir kiasi  ya  kilometa  30 mashariki  ya mji  wa  bandari  wa  Mukalla.

Watu  walioshuhudia  wamesema  kuwa  wameona milolongo  ya  magari  ya  jeshi  ikielekea  katika  eneo  hilo, ambalo  maafisa  wanasema  lilikamatwa   na  watu  wenye silaha  wa  kundi  la  al-Qaeda  mwezi  uliopita.  Wanajeshi saba   na  raia  watatu  wamejeruhiwa   na  kupelekwa Hospitalini  mjini  Mukalla. Wapiganaji  wa  al-Qaeda wamekuwa  wakijikusanya  upya  tangu  mwezi  Juni  2012 katika  maeneo  ya  Hadramawt  baada  ya  kufurushwa kutoka  katika  jimbo  hilo  la  kusini  la  Abyan  ambako wanadhibiti  miji mikubwa  kwa  zaidi  ya  mwaka  sasa.