UJERUMANI YAPINGA UNUNUZI DRONE

Mgombea  ukansela wa  chama  cha  SPD  katika uchaguzi  mkuu  nchini  Ujerumani  Peer Eteinbrück , ametoa  hotuba  mjini  Berlin  akiainisha  mapendekezo yake  katika  sera  za  mambo  ya  kigeni. Ni  mgombea mkuu  anayepambana  na  kansela  Angela  Merkel  katika uchaguzi  utakaofanyika  mwezi  Septemba. Steinbrück ameelezea  upinzani  wake dhidi  ya  ununuzi  wa  ndege za  kijeshi  zisizo  na  rubani, baada  ya  mradi wa kuziendeleza  kufutwa  na  serikali  mwezi  uliopita. Steinbrück  pia  ameahidi  kupunguza  mauzo  ya  silaha na  kusema  anapinga  hatua  ya  kutuma  silaha  kwa waasi  nchini  Syria. Pia  amemshutumu  kansela  Merkel kwa  uongozi  unaoelemea  upande  mmoja  katika  mzozo wa  mataifa  ya kanda ya euro. Uchunguzi  wa  maoni  ya wapiga  kura  kwa  uchaguzi  wa  hapo  Septemba unaonesha chama cha  Merkel  cha  siasa za wastani za mrengo wa kulia CDU na SPD cha  Peer  Steinbrück cha siasa za wastani za mrengo wa shoto hawiwezi kupata ushindi   moja  kwa  moja.