UFARANSA NA UJERUMANI ZAPINGANA JUU YA KUFANYA MKUTANO NA MAREKANI

Ufaransa  imeanza  kutoa  mbinyo  kwa  Umoja  wa  Ulaya kuchelewesha  mazungumzo  na  Marekani  kuhusu mpango  mkubwa  wa  biashara  huru  kutokana  na  madai ya  Marekani  kufanya  ujasusi  katika  ofisi  za  Umoja  wa Ulaya, lakini  Ujerumani  imesema  mazungumzo  hayo yanapaswa  kuendelea  kama  yalivyopangwa. Rais  wa Ufaransa, Francois  Hollande, ambaye  amesema mazungumzo  na  Marekani  hayapaswi  kuendelea  bila  ya hakikisho  kuwa  upelelezi  umesitishwa, alikuwa anatarajiwa  kukutana  na  kansela wa Ujerumani, Angela Merkel, baadaye  leo  mjini  Berlin.

Mkuu  wa  tovuti  inayofichua  siri  ya  Wikileaks  wakati huo  huo  ameyaomba  mataifa  ya  Ulaya  kumpatia hifadhi  ya  kisiasa  mfanyakazi  wa  zamani  wa  shirika  la ujasusi  la  Marekani,  Edward Snowden, ambaye  hatua yake  ya  kuvujisha  mtandao  mkubwa  wa  Marekani  wa ujasusi  dhidi  ya  washirika  wake umezusha  wasiwasi mkubwa. Mazungumzo  kati  ya  Marekani  na  Umoja  wa Ulaya katika  kile  ambacho  kinaelezwa  kuwa makubaliano  makubwa  ya  kibiashara  ambayo hayajawahi  kujadiliwa. Majadiliano  hayo  yanatarajiwa kuanza Jumatatu ijayo  mjini Washington.