IRAN ITAKABILIANA NA UVAMIZI WOWOTE

Kamanda wa ngazi za juu katika majeshi ya Iran amesema hujuma yoyote ile ya Marekani, Saudi Arabia au nchi yoyote dhidi ya mipaka ya baharini ya nchi hii itakabiliwa na jibu kali.

Mkuu wa Vikosi Vyote vya Kijeshi vya Iran Meja Jenerali Firouzabadi amesema ndege za nchi za eneo zinaweza kupaa katika Ghuba ya Uajemi na kwamba hakuna kizuizi cha kuruka katika maji ya kimataifa na hilo halihesabiwi na Iran kuwa ni kitendo cha kichokozi. Matamshi ya Firiuzabadi yamekuja baada ya Kamanda mwandamizi wa Marekani Jenerali James Mattis kukiri kuwa vikwazo vinavyoongozwa na Marekani dhidi ya Iran vimefeli. Akizungumza mbele ya Kamati ya Kijeshi ya Baraza la Seneti, Mattis alidai kuwa Marekani ina njia kadhaa za kuilazimisha Iran isalimu amri. Kwa mara kadhaa sasa wakuu wa Marekani na muitafaki wake mkuu, Israel, wamekuwa wakitoa vitisho dhidi ya Iran mbali na kuiwekea nchi hii vikwazo vinavyokiuka sheria kwa kisingizio kuwa Iran ina malengo ya kijeshi katika miradi yake ya nyuklia. Iran imekanusha vikali madai hayo na kusema shughuli zake za nyuklia zinafanyika kwa malengo ya amani na kwa mujibu wa sheria za kimataifa.