CHAVES AAGWA NA MAMILIONI YA WANANCHI WAKE

Mamilioni ya wananchi wa Venezuela wamejitokeza katika mji mkuu wa nchi hiyo Caracas kuaga mwili wa aliyekuwa rais wa nchi hiyo Hugo Chavez aliyefariki dunia siku ya Jumanne kutokana na maradhi ya kensa.

Umati mkubwa wa watu ilisindikiza mwili huo kwa zaidi ya masaa 6 hadi kufika katika akademia ya jeshi ambako kiongozi huyo atazikwa kesho Ijumaa. Viongozi wa America ya Latini tayari wameshawasili mjini Caracas kwa ajili ya kutoa heshima zao za mwisho akiwemo Rais Cristina Fernandes de Kirchner wa Argentina, Jose Mujica wa Uruguai, Evo Morales wa Bolivia na wengineo.

Nchi nyingi duniani zinaendelea kutuma risala zao za rambirambi na pole kwa wananchi wa Venezuela kufuatia kifo cha rais Hugo Chavez. Rais Barack wa Marekani hakutoa mkono wa pole bali ametoa risala fupi akitaka kufunguliwa ukurasa mpya kuhusiana na utajiri wa mafuta ya nchi hiyo. Miongoni mwa masuala yatakayokumbukwa kuhusiana na kiongozi hiyo mwanamapinduzi wa Venezuela ni kuanzisha harakati ya mrengo wa kushoto iliyoenea katika eneo la Amerika ya Latini ya kupinga ukoloni na ubeberu wa madola ya Magharibi hasa Marekani na kupambana na umasikini.