ISRAEL YAZIDI KUWATESA WATOTO WA KIPALESTINA

Shirika la Kuhudumia Watoto la Umoja wa Mataifa UNICEF limeelezea wasi wasi wake kuhusu mateso dhidi ya watoto wa Kipalestina wanaoshikiliwa katika jela za utawala haramu wa Israel. Katika taarifa yake UNICEF imetoa ratiba ya hatua ambazo zitachukuliwa ili kuboresha hali ya watoto wa Kipalestina wanaozuiliwa na jeshi la Israel. Kupitia taarifa yenye anuani ya "watoto walioko kwenye kizuizi cha jeshi la Israel" UNICEF inapendekeza kutendewa vyema watoto wa Kipalestina walioko kwenye kizuizi cha jeshi la Israel. UNICEF imesema watoto hao wanapaswa kutendewa kwa mujibu wa viwango vya kimataifa vya haki za watoto na vile vingine vya kimataiafa. Ripoti hiyo ilitolewa baada ya kubainika kuwa watoto wanaoshikiliwa katika jela za kuogofya za Israel wananyimwa haki zao. Imebainika kuwa watoto wa Kipalestina wamekuwa wakitendewa vibaya wanapohojiwa au wanapohamishiwa katika korokoro za utawala huo haramu. UNICEF inakadiria kuwa kila mwaka watoto 700 wa Kipalestina wenye umri wa miaka 12 hadi 17 hukamatwa na vikosi vya Israel na kufungwa gerezani kwa tuhuma ya kurusha mawe.