#OPISRAEL# MITANDAO YA ISRAEL YADUKULIWA (HACKED) NA ANONYMOUS

Mtanadao wa wadukuzi wa mtandao (Hakers) wanaojulikana kwa jina la “Anonymous”, wametoa taarifa fupi kupitia mtandao wa “Tweeter” na kurusha video fupi kwenye mtandao wa “Youtube” kuwa wameweza kudukua websites zaidi ya 700 za utawala haramu wa Israel. Anonymous wamefanya hivyo ili kuwaunga mkono wapalestina wanaoonewa huko Gaza. Anonymous wanadai kuwa dunia imekaa kimya na kuona damu ikimwagika huko gaza kwa mauaji yanayofanywa na utawala haramu wa Israel bila hatua zozote za kisheria kuchukuliwa dhidi ya utawala huo. Taarifa yao fupi, anonymous wanasema “wataalamu wa mtandao kutokea sehemu mbalimbali za dunia wameamua kuungana na kuwaunga mkono wapalestina dhidi ya waisraeli kwa kuwaondoa waisraeli katika ulimwengu wa mtandao”. Wanaendelea kusema katika taarifa yao, “Mmeshindwa kusimamisha hujuma dhidi ya haki za binaadamu, Mnakalia makazi ya wapalestina kimabavu, Hamjaacha kuheshimu kusimamisha vita na mnaendelea kuonesha dunia kuwa hamuheshimu sheria za kimataifa”.

Mitandao iliokuwa imedukuliwa ni pamoja na mitandao ya benki, shule, biashara na hasa mitandao ya serikali. Mitandao mingi ya Israeli leo haikuwa ikifanya kazi, na kila utakapoifungua basi utapata taarifa fupi inayosema “Page cannot be displayed, the system cannot communicate with the external sever…………..”

Tazama video hii walioirusha kupitia mtandao wa “youtube”.