ETHIOPIA YAPUUZA KAULI YA MISRI JUU YA MTO NILE

Ethiopia  imepuuzia  matamshi ya kuchukua  hatua  za  kijeshi  dhidi ya   bwawa  kubwa  linalojengwa  katika  mto  Nile  kuwa  ni  vita  vya kisaokolojia  na  kusema  kuwa  nchi  hiyo  itajilinda  na  kuendelea na  mradi  huo  bila  kujali  lolote.

Vita  vya  maneno  kati  ya  nchi  hizo  mbili  ambazo zinauchumi unaokuwa  kwa  haraka  zaidi  vimezusha  hofu  ya  kuingia  katika mzozo wa  maji,  licha  ya  kuwa  pande  zote  mbili  pia  zinatafuta muafaka  wa  kidiplomasia  kuhusiana  na  mradi  huo  mkubwa kabisa wa  uzalishaji  wa  umeme  unaotumia  maji  ya  mto  Nile katika  bara  hilo.

Akijibu  hotuba   iliyotolewa  Jumatatu na  rais Mohammed Mursi , ambapo  alisema  Misri  haitaki vita , lakini  itaweza  fursa  zote  wazi kuzuwia   kupoteza   kiasi  chochote  cha maji,  msemaji  wa  wizara ya  mambo  ya  kigeni  ya  Ethiopia  amesema majivuno  ya  aina hiyo  hayataweza  kubadilisha  msimamo  wa  nchi  hiyo.